Пошук Прытулку ад канфлікту

Калі вы шукаеце працу, каб забяспечваць сям’ю або знайсці жыллё, патрэбна ведаць, як рабіць гэта бяспечна.

Каб заставацца ў бяспецы, вы павінны выканаць 4 дзеянні:

1. Паведаміць іншым людзям, дзе вы працуеце. Запішыце адрас і перадайце яго сваім сябрам або сям’і. Акрамя таго, вы можаце адправіць ім фотаздымак адрасу або месцазнаходжанне па тэлефону.

2. Захавайце нумары экстранных службаў на сваім мабільным тэлефоне і заўсёды майце іх пры сабе. Запішыце назвы арганізацый, якія аказваюць падтрымку і змогуць дапамагчы вам.

3. Заўсёды захоўвайце свой пашпарт, праязныя і асабістыя дакументы ў бяспечным месцы. Не дазваляйце свайму працадаўцы захоўваць іх.

4. Вашу бяспеку можа абараніць афармленне дагавору працаўладкавання. Адсутнасць дагавору пагражае вашым працоўным правам, напрыклад, вы рызыкуеце не атрымаць аплату за працу.

Калі вам нешта здаецца падазроным, то, магчыма, у вас ёсць для гэтага падставы.

Памятайце гэтыя чатыры рэчы, каб заставацца ў бяспецы.

Раскажыце аб іх сябрам і сям’і.

Некаторыя аб’явы аб працы, якія апублікаваны анлайн, могуць быць незаконнымі.

Вам трэба насцярожана аднесціся да набору на працу, калі прысутнічае хаця б адна з наступных прыкмет:

1. Працадаўца патрабуе захавання сакрэтнасці.

2. Працадаўцы націскаюць на вас, напрыклад, у працэсе найму патрабуюць асабістую інфармацыю занадта рана.

3. Ні на адным з этапаў найму Вам не кажуць памер зарплаты.

4. Мала звестак аб арганізацыі ў інтэрнэце.

5. Вас просяць заплаціць, каб захаваць працу за вамі

6. Не вызначана працягласць выпрабавальнага перыяду.

7. Вам кажуць, што працоўны дагавор не патрэбны.

8. Працадаўца не правярае, ці маеце вы права на працаўладкаванне.

Вы можаце паведаміць аб падазроных аб’явах аб працы ў дадатку STOP APP

У час працы вы не павінны сутыкацца ні з чым з пералічанага далей:

• Адсутнасць аплаты за працу.

• Утрымліванне заработнай платы.

• Адсутнасць адпачынкаў у час працы і/або штогадовага водпуску.

• Абмежаванне на перамяшчэнні.

• Абмежаванне або адсутнасць доступу да вашых заробкаў.

• Запалохванне, прымус і/або фізічныя ці эмацыянальныя здзекі.

• Адсутнасць доступу да вашых асабістых дакументаў.

• Перапрацоўка

Калі вы сутыкнуліся с чымсьці з пералічанага вышэй, ведайце, што гэта недапушчальна і існуюць арганізацыі, якія могуць дапамагчы вам.

Вы можаце паведаміць аб такіх выпадках у дадатку STOP APP. Па магчымасці здымайце фота/відэа, каб дакументаваць усе парушэнні на працы. Калі каму-небудзь пагражае непасрэдная небяспека або здзяйсняецца ці здзейснена злачынства, патэлефануйце па нумару службы неадкладнай дапамогі.

Абавязкова паведаміце аб тым, што адбываецца, у тым ліку наступныя падрабязнасці:

• Што здарылася

• Час здарэння

• Месца здарэння

• Удзельнікі і прысутнасць сведкаў

Гандаль людзьмі – гэта перамяшчэнне або вярбоўка людзей шляхам падману, прымусу або прымянення сілы з мэтай эксплуатацыі. Гандляры людзьмі часта атрымліваюць фінансавы прыбытак ад эксплуатацыі людзей.

Гандляры органамі часам гвалтоўна здабываюць органы без згоды або з дапамогай прымусу. Гэта незаконна і небяспечна. Гэта можа каштаваць вам жыцця.

Ёсць шмат спосабаў прывабіць людзей у пастку эксплуатацыі, у тым ліку:

Што такое пазыковае рабства?

Пазыковае рабства – гэта калі хтосьці змушаны працаваць, каб пагасіць рэальны ці меркаваны доўг, які ўзнік падчас вандравання.

Часта доўг расце такімі тэмпамі, з якімі чалавек не ў стане зладзіцца, і ў выніку чалавек губляе надзею калі-небудзь вызваліцца.

Ніхто не мае права прымушаць кагосьці працаваць на сябе, нават калі яму вінныя грошы.

Вельмі важна, каб пры любым выбары вы ставілі сваю бяспеку на першае месца.

У гандляроў людзьмі мноства асоб. Яны могуць быць любога ўзросту, полу і нацыянальнасці.

Тыя, хто выжыў, часта гавораць, што іх прадалі партнёры, муж ці жонка, сябры і нават члены сям’і.

Гандляры людзьмі звычайна кіруюцца фінансавай выгадай і з’яўляюцца майстрамі ў мастацтве падману.

• Яны ведаюць, як заваяваць давер і прымусіць вас адчуваць сябе асаблівым.

• Яны часта выбіраюць людзей з прапановамі сяброўства.

• Яны могуць купляць вам падарункі, даваць грошы ці прапаноўваць наркотыкі ці алкаголь.

На жаль, гандляры палююць на людзей, якія знаходзяцца ва ўразлівым становішчы. Калі давер устаноўлены, добразычлівыя паводзіны гандляра людзьмі могуць змяніцца, і ён стане кантралюючым, нават жорсткім. Іх мэта складаецца ў тым, каб прывабіць вас, а затым пачаць кантраляваць і эксплуатаваць вас. Яны могуць пераканаць вас, што сітуацыя і нават жорсткае абыходжанне – гэта нармальна.

Гандляры людзьмі часта прымушаюць людзей рабіць тое, чаго яны не жадаюць. Яны будуць аказваць ціск і прымушаць людзей заставацца ў сітуацыі, якая склалася, выкарыстоўваючы пагрозы і запалохванне.

Метады кантролю ўключаюць:

Калі вы апынуліся ў сітуацыі, з якой жадаеце вырвацца, ёсць арганізацыі, якія могуць вам дапамагчы.