Mirë se erdhët në këtë faqe uebi! Këtu mund të gjeni informacione se si të mos rrezikoheni nga shfrytëzimi kur largoheni nga vendlindja drejt Evropës Perëndimore dhe kë të kontaktoni nëse keni nevojë për mbështetje.
Çfarë është trafikimi i qenieve njerëzore?
Raportoni një incident në aplikacionin STOP
Çfarë duhet të dini para se të niseni: këshilla se si të qëndroni larg rreziqeve para se të udhëtoni
Kalimi i kanalit në mënyrë të sigurt
Gjetja e punës pa u rrezikuar në destinacionin tuaj
Ndihma dhe mbështetja në Shqipëri, Francë dhe në Mbretërinë e Bashkuar
Ju mund të keni qenë të detyruar të ndërmerrni një udhëtim për t’u larguar nga konflikti, shtypja dhe varfëria. Gjatë udhëtimit tuaj, mund të takoni njerëz që do t’ju japin premtime të rreme sepse duan të fitojnë para nga situata juaj ose për t’ju vënë në një rrezik edhe më të madh. Rrjetet kriminale e dinë se mund të jeni në një pozitë të vështirë dhe mund t’ju kërkojnë të bëni gjëra që nuk dëshironi t’i bëni, t’ju kërcënojnë ju ose familjen tuaj, të përdorin dhunë ose t’ju detyrojnë të punoni me një pagesë shumë të vogël ose pa pagesë. Ne dëshirojmë t’ju mundësojmë të kuptoni disa prej këtyre rreziqeve dhe të bëni zgjedhje të informuara.
Mund të klikoni këtu nëse dëshironi të bëni një raportim, klikoni këtu nëse dëshironi këshilla për të qëndruar larg rreziqeve, dhe klikoni këtu për detajet e organizatave që mund t’ju ndihmojnë .
Në seksionin tjetër, mund të mësoni më shumë për dallimin midis kontrabandës dhe trafikimit dhe se si mund të mbivendosen ato. Mund të gjeni informacione edhe rreth mënyrave të kontrollit shfrytëzues, të tilla si robëria për shkak të borxhit.
Trafikimi i qenieve njerëzore është lëvizja ose rekrutimi i njerëzve, përmes mashtrimit, shtrëngimit ose forcës me qëllim shfrytëzimin. Trafikantët kanë shpesh përfitime financiare nga shfrytëzimi i njerëzve. Personat që largohen për të migruar nëpër Evropën Perëndimore mund të jenë në shënjestër për qëllime shfrytëzuese.
Kriminaliteti i detyruar ndodh kur dikush detyrohet të kryejë aktivitet kriminal përmes shtrëngimit ose mashtrimit.
Shfrytëzimi për punë ndodh kur dikush shtrëngohet të punojë për një pagesë shumë të vogël ose pa pagesë, shpesh nën kërcënimin se do të ndëshkohet.
Shfrytëzimi seksual ndodh kur dikush mashtrohet, shtrëngohet ose detyrohet të marrë pjesë në aktivitet seksual në këmbim të strehimit ose sigurisë.
Marrja e organeve përfshin heqjen e një organi të trupit, ndonjëherë me detyrim, për ta shitur për përfitim.
Kontrabanda është një shërbim që kërkohet nga dikush, pavarësisht nga rreziku, për hyrjen e paligjshme në një shtet. Pas përfundimit të udhëtimit dhe kryerjes së pagesave, shkëmbimi mbaron.
Trafikimi përfshin ose detyrimin e një personi që të udhëtojë, ose dhënien e premtimeve të rreme për punë ose siguri në fund të atij udhëtimi. Shfrytëzimi mund të ndodhë në destinacionin përfundimtar dhe/ose gjatë udhëtimit.
Kontrabanda dhe trafikimi mund të mbivendosen, me bandat që punojnë së bashku si një rrjet kriminal
Njerëzve që migrojnë nëpër Evropë u ofrohet shpesh ndihmë për udhëtimin në këmbim të pagesës së mëvonshme. Mos pranoni nëse nuk i dini të gjitha hollësitë. Kjo është një metodë që përdorin trafikantët për të kontrolluar dhe shfrytëzuar njerëzit dhe një shembull i robërisë për shkak të borxhit.
Robëria për shkak të borxhit ndodh kur dikush detyrohet të punojë për të shlyer një borxh të vërtetë ose të perceptuar që shkaktohet zakonisht nga udhëtimi i atij personi. Shpesh borxhi rritet me një përqindje që personi nuk mund ta paguajë dhe nuk ka asnjë shpresë që të jetë ndonjëherë i lirë.
Askush nuk ka të drejtë të detyrojë dikë që të punojë për të, edhe nëse ka para borxh.
Të mbijetuarit thonë shpesh se u trafikuan nga partnerët, bashkëshortët, shokët, madje edhe nga anëtarët e familjes.
Fatkeqësisht, pre e trafikantëve janë personat në një situatë të vështirë. Kur krijohet besimi, sjellja e mirë e trafikantit mund të ndryshojë dhe ai bëhet kontrollues, madje dhe i dhunshëm. Qëllimi i trafikantit ishte t’ju joshë, vetëm për t’ju kontrolluar dhe për t’ju shfrytëzuar. Trafikanti mund t’ju bindë se situata, madje dhe abuzimi, është diçka normale.
Trafikantët i detyrojnë shpesh njerëzit të bëjnë gjëra që nuk duan t’i bëjnë. Ata u bëjnë presion dhe i detyrojnë njerëzit të mos dalin nga situata ku janë duke përdorur kërcënimet dhe frikësimin.
Në mënyrat e tjera të kontrollit përfshihen:
Aplikacioni STOP i jep mundësi çdo personi, i cili është në dijeni, ka parë ose madje ka dëgjuar për një situatë që beson se është trafikim i qenieve njerëzore, të bisedojë për të në një hapësirë të mbrojtur dhe të sigurt. Ju mund ta raportoni incidentin në mënyrë anonime dhe të sigurt përmes aplikacionit STOP. Në telefonin tuaj nuk do të ketë asnjë regjistrim të raportimit të dërguar.
Sigurohuni që të jeni në një vend të sigurt, larg incidentit të dyshuar, kur të bëni raportimin.
Ngarkoni të dhënat tuaja të kontaktit nëse dëshironi që t’ju kontaktojmë. Keni opsionin të qëndroni anonimë.
Raportimet kontrollohen nga anëtarë të trajnuar të shoqatës sonë bamirëse, të cilët punojnë në shërbimin e zbulimit në Grupin STOP THE TRAFFIK. Të gjitha shqetësimet për mbrojtjen do të analizohen nga ekipi dhe do të merren masat e duhura.
STOP THE TRAFFIK është një organizatë për parandalimin e trafikimit të qenieve njerëzore. Ky aplikacion mbledh historitë e individëve lidhur me trafikimin e qenieve njerëzore në mbarë botën për ta ndaluar dhe parandaluar këtë krim. Ne nuk jemi një organizatë shpëtimi dhe ky aplikacion nuk monitorohet 24 orë në ditë, 7 ditët e javës, por do të kontrollohet ditën tjetër të punës. Nëse dikush është në rrezik imediat ose nëse është kryer një krim, kontaktoni autoritetet e besuara.
1. Nëse ju afrohen personalisht ose në internet dhe ju ofrojnë strehim ose ndihmë, mos pranoni asnjëherë nëse nuk dini më shumë hollësi.
2. Mos e besoni dikë që nuk ju lejon të kontaktoni shokët ose familjen ose që ju merr telefonin celular,
3. Ruani numrat e emergjencës në telefonin tuaj celular. Nëse jeni në rrezik, këta numra do t’ju japin akses të menjëhershëm për të telefonuar në linjat dhe shërbimet e ndihmës.
4. Mbani gjithmonë me vete kartën tuaj personale të identitetit dhe dokumentet e udhëtimit. Ruajini ato me kujdes dhe mos ia jepni asnjëherë dikujt tjetër.
5. Disa persona mund të flasin gjuhën tuaj ose të jenë nga shteti juaj. Kjo nuk do të thotë gjithmonë se mund t’i besoni ata.
6. Mos harroni se asnjë person nuk ka të drejtë t’ju detyrojë të bëni diçka që nuk dëshironi ta bëni, edhe nëse thotë se i keni para borxh.
7. Nëse ju ofrohet një punë, mësoni adresën e vendit të punës. Tregojani adresën dikujt që besoni.
Diçka e tillë është shumë e rrezikshme dhe ekzistojnë prova të qarta që tregojnë se shumë njerëz po kalojnë kufijtë dhe trafikantët po përfitojnë nga kjo situatë.
Mendojmë se dija është fuqi dhe synojmë t’ju ofrojmë informacione të dobishme personave që mund të jenë në rrezik ose që po shfrytëzohen. Çfarëdo zgjedhjeje që bëjnë njerëzit është zgjedhja e tyre, por ne po iu japim informacione në lidhje me sigurinë dhe mënyrën se si të marrin ndihmë nëse kanë nevojë.
Numri 112 është i arritshëm edhe nëse telefoni nuk ka sinjal.
Kur të telefononi në numrin 112 dhe të thoni se jeni në rrezik në det, kërkoni ROJËN BREGDETARE.
Kalimi në Mbretërinë e Bashkuar përmes detit është shumë i rrezikshëm dhe “STOP THE TRAFFIK” nuk e rekomandon këtë rrugë. Megjithatë, nëse ju ose një person që njihni vendosni të zgjidhni këtë rrugë, kini parasysh këshillat e mëposhtme nga “Alarm Phone”:
Pasi të arrini në destinacionin tuaj, ju mund të përpiqeni që të gjeni mundësi për punë. Fatkeqësisht, ka disa njerëz që ofrojnë punësim, të cilët nuk duhen besuar. Ndonjëherë punët që ofrojnë nuk janë siç premtohen dhe mund të çojnë në kushte shfrytëzuese të punës. Këtu përfshihet
1. Tregojini njerëzve se ku po punoni. Shënoni adresën dhe jepjani atë shokëve dhe familjes. Mund t’u dërgoni gjithashtu atyre një fotografi të adresës dhe ta ndani vendndodhjen tuaj në telefonin tuaj.
2. Ruani numrat e emergjencës në telefonin tuaj celular dhe mbajeni atë gjithmonë me vete. Shënoni organizatat mbështetëse që mund t’ju ndihmojnë.
3. Ruani gjithmonë me kujdes kartën tuaj të identitetit dhe dokumentet personale dhe të udhëtimit. Mos e lejoni punëdhënësin tuaj t’i mbajë ato.
4. Kontratat e punës mund t’ju vijnë në ndihm për t’ju mbrojtur nëse janë të ligjshme. Mungesa e kontratës vë në rrezik të drejtat tuaja të punësimit, të tilla si marrja e pagës për punën tuaj.
1. Ju kërkohet të paguani një tarifë për të siguruar punën
2. Ju thonë që kontrata e punësimit nuk është e nevojshme
3. Rekrutuesi nuk kontrollon të drejtën tuaj për të punuar
4. Rekrutuesi ju bën presion
5. Rekrutuesi kërkon që ta mbani të fshehtë
6. Nuk ju tregohet paga në asnjë moment gjatë procesit të rekrutimit
7. Organizata ka prani minimale në internet
Ju mund t’i raportoni reklamat e dyshimta për punë në aplikacionin STOP.
Nëse keni përjetuar një prej kushteve të mësipërme, duhet të dini se kjo nuk duhet toleruar.
Ju mund t’i raportoni këto incidente në aplikacionin STOP. Nëse është e mundur, dokumentoni të gjitha shkeljet në punë në formën e materialeve me fotografi ose video. Nëse dikush është në rrezik fizik imediat ose nëse po kryhet ose është kryer një krim, telefononi shërbimet evropiane të emergjencës në numrin 112.
Sigurohuni që të tregoni se çfarë ndodhi, duke përfshirë hollësitë për sa vijon:
Paga minimale kombëtare është pagesa minimale për të cilën kanë të drejtën pothuajse të gjithë punëtorët. Në shumicën e shteteve, punëdhënësit detyrohen me ligj që t’i paguajnë punëtorët e tyre me pagën minimale kombëtare.
Ju mund të vizitoni këtë faqe interneti për informacione rreth pagave minimale kombëtare në mbi 200 shtete.
Nëse keni të drejtë të punoni në MB, keni njëherësh të drejtën të paguheni me pagë minimale për punën që bëni. Paga minimale kombëtare në Mbretërinë e Bashkuar varet nga mosha juaj:
Kjo normë ka të ngjarë të ndryshojë në 2024. Klikoni këtu për më shumë informacione.
Nëse ju ose dikush që njihni jeni në rrezik fizik imediat ose ju kërcënohet jeta, mund të kontaktoni numrin e mëposhtëm të agjencive ligjzbatuese për ndihmë.
Nëse ju ose dikush që njihni jeni në rrezik imediat, telefononi në numrin 112 të emergjencave për Evropën. Numri është pa pagesë, 24 orë në ditë, 7 ditët e javës, kudo në Bashkimin Evropian. Qytetarët mund të telefonojnë në numrin 112 për të kontaktuar shërbimet e emergjencës, duke përfshirë policinë, shërbimet e urgjencës mjekësore dhe skuadrën e zjarrfikësve.
“Different & Equal” (D&E) është një organizatë jofitimprurëse në Shqipëri e përkushtuar për të ofruar shërbime të cilësisë së lartë për mbrojtjen dhe riintegrimin e viktimave të trafikimit, shfrytëzimit dhe abuzimit, si dhe për ndryshimin e kontekstit ligjor, institucional dhe social në kundërpërgjigje të këtyre abuzimeve. “D&E” ofron ndihmë të drejtpërdrejtë riintegrimi për viktimat e trafikimit përmes menaxhimit të rasteve nga një ekip shumëdisiplinor dhe përmes një qasjeje me në qendër viktimën. Në ofrimin e shërbimeve gjithëpërfshirëse dhe afatgjata të riintegrimit (rezidenciale dhe komunitare) përfshihen: kujdesi mjekësor, asistenca psikologjike, këshillimi dhe asistenca ligjore, formimi profesional, përgatitja për vende pune dhe punësim, arsimi dhe rifutja në sistemin shkollor, ndërmjetësimi për çështjet familjare dhe ndihma në krijimin e mbështetjes sociale, orientimi dhe zhvillimi i aftësive të nevojshme për jetën për riintegrim, strehim, monitorim dhe ndjekje afatgjatë.
Tel: +355 (4) 222 18 92
Email: [email protected]
Faqja e internetit: www.differentandequal.org
Qendra psiko-sociale “Vatra” është një organizatë jofitimprurëse shqiptare, e cila ofron shërbime të drejtpërdrejta për parandalimin dhe mbrojtjen e viktimave të trafikimit të qenieve njerëzore, viktimave të dhunës në familje dhe të gjitha formave të dhunës me bazë gjinore, si dhe dhunën ndaj të miturve. Ne ofrojmë shërbime të ndryshme, duke përfshirë strehim dhe mbështetje për strehim, arsim, qasje në nevojat bazë, si dhe mbështetje ekonomike, psikologjike, mjekësore dhe ligjore.
Tel: + 355 69 88 84 613 (24 orë në ditë, 7 ditë të javës)
Email: [email protected]
http://www.qendravatra.org.al/
“Mary Ward Loreto” punon në Shqipëri dhe në Mbretërinë e Bashkuar për të ndihmuar personat që janë më vulnerabël ndaj trafikimit të qenieve njerëzore përmes shpëtimit, riintegrimit, rehabilitimit dhe parandalimit. Përveç ofrimit të strehimit të menjëhershëm dhe mbështetjes psikologjike e ligjore për personat e shpëtuar, ne zhvillojmë një sërë programesh për të parandaluar trafikimin në të ardhmen, duke përfshirë fuqizimin ekonomik, arsimin dhe fuqizimin e komunitetit. MWL-ja ka prezencë në gjashtë rajone të Shqipërisë: Tropojë (Kukës), Pukë (Shkodër), Lezhë dhe Rrëshen (Lezhë), Tiranë, Lushnjë dhe Sarandë përmes qendrave të këshillimit dhe shërbimit dhe qendrave rinore. Nëse keni nevojë për mbështetje, mund të na kontaktoni në:
Email: [email protected]
Rrjeti kombëtar për ndihmën dhe mbrojtjen e viktimave të trafikimit të qenieve njerëzore (le Dispositif National Ac.Sé) ofron strehim dhe mbështetje në një distancë gjeografike nga vendi i banimit të viktimës së trafikimit që mund të jetë në rrezik në nivel lokal. Ai vepron edhe si qendër burimore për profesionistët në kontakt me viktimat.
Linja telefonike e ndihmës për skllavërinë dhe shfrytëzimin modern ofron informacione, këshilla dhe udhëzime për çdo problem në lidhje me skllavërinë moderne për viktimat e mundshme, bizneset dhe publikun në të gjithë Mbretërinë e Bashkuar. Shërbimet tona janë pa pagesë, konfidenciale dhe ofrohen 24 orë në ditë, 7 ditë të javës dhe në 200 gjuhë.
https://www.modernslaveryhelpline.org/
Nëse ju ose një person që njihni mund të jeni viktimë e skllavërisë moderne dhe keni nevojë për ndihmë, mund të telefononi linjën telefonike të ndihmës me referim të “The Salvation Army”. Shërbimi është pa pagesë, konfidencial dhe ofrohet 24/7. Shërbimi ofrohet për personat mbi 18 vjeç brenda Anglisë dhe Uellsit. Ne do t’ju lidhim me personelin e ndërhyrjes së menjëhershme që do të flasë me ju rreth asaj që ka ndodhur dhe ata do t’ua kalojnë këtë informacion vendimmarrësve për të parë nëse mund të keni qasje në mbështetjen e specialistëve.
https://www.salvationarmy.org.uk/modern-slavery/supporting-survivors
Medaille Trust ofron akomodim të mbështetur në nëntë njësi të sigurta strehimi në Mbretërinë e Bashkuar për viktimat e skllavërisë moderne. Njësitë tona të sigurta të strehimit ofrojnë mbështetje të personalizuar, duke i ndihmuar të mbijetuarit të përballen me traumat dhe duke i fuqizuar për të rindërtuar jetën. Projekti ynë “Moving On” ofron mbështetje individuale të personalizuar për të mbijetuarit për të ndihmuar në reduktimin e mundësisë për rishfrytëzim, si dhe për t’i ndihmuar të vazhdojnë jetën. Ne punojmë edhe në Shqipëri duke targetuar varfërinë si një faktor kryesor që i shtyn njerëzit të bien në duart e trafikantëve. Akademia jonë e sipërmarrjes në Shqipëri ofron trajnime për ndërmarrjet vendase për t’i ndihmuar ato të zhvillojnë biznese të qëndrueshme që mund të ofrojnë mundësi punësimi për shqiptarët, në mënyrë që të mos bëhen viktima të skllavërisë moderne. “Medaille” ofron edhe mbështetje për agjencitë ligjzbatuese në operacionet për të shpëtuar viktimat e skllavërisë moderne dhe për të vënë para drejtësisë autorët. Nëse keni nevojë për ndihmë, mund të na kontaktoni përndryshe, vetreferohuni te:
https://www.medaille-trust.org.uk/moving-on/moving-on-project-referral
News about what we're doing, campaign updates, and how you can get involved.